Bahagi ng Tuguegarao City sa Cagayan, binaha dahil sa pagtaas ng tubig sa Cagayan River

BINAHA ang ilang bahagi ng Tuguegarao City sa lalawigan ng Cagayan dahil sa pagtaas ng water level sa Cagayan River.

Ito ay kasunod ng pagpapakawala ng tubig sa Magat Dam dahil sa naranasang pag-ulan nitong nagdaang mga araw.

Sa mga larawang ibinahagi ni Tuguegarao City Mayor Maila Ting Que, maraming lugar sa lungsod ang nakaranas ng pagbaha.

Kabilang sa binaha ang Balzain East Elementary School, Linao West Bridge, bahagi ng Caritan Norte.