SAMPU katao ang sugatan, kabilang ang anim na dinala sa ospital, makaraang pumalya ang escalator sa Taft Avenue station ng MRT-3.
Sa CCTV footage, makikita ang pila ng mga pasahero na nagmistulang domino nang biglang tumigil ang paakyat na escalator saka mabilis na umandar pababa.
Isa sa mga naapektuhang pasahero ang inihalintulad ang insidente sa isang eksena ng pelikula sa amerika na “Final Destination.”
Ayon sa pamunuan ng MRT-3, naputol ang kadena ng escalator kaya ito pumalya.
Tiniyak naman ng management na sasagutin nila ang medical expenses ng mga naapektuhan ng insidente.
