Nakahikayat ng apat na entities ang plano ng pamahalaan na i-turnover ang operasyon at maintenance ng Ninoy Aquino International Airport (NAIA) sa pribadong sektor.
Sa pagbubukas ng bidding ngayong miyerkules, ang 170.6-billion peso NAIA Public-Private Partnership (PPP) initiative ay tumanggap ng kumpletong dokumento mula sa apat na grupo bago sumapit ang deadline, kaninang alas diyes ng umaga.
Kabilang sa mga nagsumite ang Manila International Airport Consortium, Asian Airport Consortium, GMR Airports Consortium, at SMC-SAP & Company Consortium.
Target ng Department of Transportation (DOTR) – ang ahensyang in-charge sa NAIA privatization – na mai-award ang 15-year concession ng operations at maintenance ng airport sa mananalong bidder sa unang quarter ng 2024.
