SINALAKAY ng mga awtoridad ang isang illegal indoor firing range sa loob ng isang bahay, kasunod ng reklamo ng mga kapitbahay sa Bulacan.
Ayon kay Police Lt. Col. Milgrace Driz ng Bulacan Criminal Investigation and Detection Group, mayroong mga residente na nakapalibot sa ni-raid na bahay na nakakarinig ng mga putok ng baril.
Nabatid na dating security officer ng isang chinese ang may-ari ng illegal firing range, at mayroon itong mga kaso sa Laguna at sa iba pang mga lugar.
Kabilang sa nasamsam ng mga awtoridad ang isang short firearm at ilang rounds ng mga bala.
Samantala, sa isa pang operasyon sa bulacan, nasakote ang isang indibidwal dahil sa iligal na pagbebenta ng armas sa online.
Dinakip ang suspek matapos nitong bentahan ng micro submachine gun at .38 revolver ang isang babaeng pulis na nagpanggap na customer.
