NASA tatlumpu katao ang nasawi habang daan-daan ang pinaniniwalaang nawawala matapos mag-collapse ang isang dam sa Northwest Red Sea State, sa Sudan, ayon sa emergency relief agency ng United Nations.
Inihayag ng United Nations Office for the Coordination of Humanitarian Affairs (OCHA), na na-wipe out ng flash flood ang dalawampung mga barangay at napinsala ang limampung iba pa matapos gumuho ang Arba’at Dam.
Tinaya naman sa limampunlibong katao ang labis na naapektuhan ng naturang kalamidad.
Ang naturang dam facility ang nagsu-supply ng fresh water sa Port Sudan, na ika-lima sa pinakamalaking lungsod sa bansa.