TATLONG supporters ni Apollo Quiboloy ang dinakip bunsod ng obstruction of justice at direct assault laban sa mga miyembro ng Philippine National Police.
Sinabi ni PNP Davao Region Spokesperson, Police Major Catherine Del Rey, na nangyari ang pananakit sa mga pulis habang nagra-rally ang mga miyembro ng Kingdom of Jesus Christ (KOJC), kagabi, para kondenahin ang pagtatangka ng PNP na arestuhin si Quiboloy na nahaharap sa mga kasong human trafficking at child abuse.
Idinagdag ni Del Rey na naging agresibo ang KOJC members at nag-recruit pa ng hindi mga miyembro para sumama sa kanila sa rally.
Aniya, hanggang ngayon ay patuloy ang kanilang pakiusap sa mga raliyista na alisin na ang mga sasakyang iniharang ng mga ito sa kalsada, dahil kung hindi ay maaring magsagawa ang mga awtoridad ng dispersal.
