13 February 2025
Calbayog City
National

Cassandra Li Ong, nasa kustodiya na ng Kamara mula sa NBI

NAILIPAT na sa kustodiya ng Kamara mula sa National Bureau of Investigation (NBI) si Cassandra Li Ong na iniuugnay sa sinalakay na Philippine Offshore and Gaming Operator (POGO) sa Porac, Pampanga.

Pasado alas dose ng tanghali, kahapon nang dumating ang sasakyan ng NBI sa compound ng Kamara sa Quezon City.

Opisyal na tinanggap ni House Sergeant-at-Arms, Retired Police Major Gen. Napoleon Taas si Ong bago mag ala una ng hapon, kasama ang turnover papers mula kay NBI Assistant Director Winmar Ramos.

Noong Huwebes ay naglabas ang Kamara ng kautusan para i-kustodiya si Ong at i-detain sa pasilidad sa batasang pambansa compound sa Quezon City sa loob ng tatlumpung araw.

Una na siyang na-cite in contempt bunsod ng pang-iisnab sa mga pagdinig ng house panel sa mga iligal na POGO.

donna cargullo
A passionate Mom of Three Kids, A Hands-on Loving Wife to Junmar. A top caliber News Producer who worked previously from Different News Organizations based in Manila like Radyo Inquirer & RMN Manila. Currently one of the producers of BuenaMano Balita & at the same time the Chief Correspondent of IR Calbayog.