KINUMPIRMA ng Department of Migrant Workers na tatlong Overseas Filipino Workers ang kabilang sa apatnapu’t siyam na nasawi sa sunog na residential building sa Mangaf District sa Kuwait.
Ayon kay DMW Secretary Hans Leo Cacdac, dalawa pang OFWs ang nasa kritikal na kondisyon sa ospital.
Sinabi ni Cacdac na nakipag-ugnayan na sila sa pamilya ng lahat ng labing isang OFWs na naapektuhan ng trahedya.
Inihayag din ng kalihim na patuloy ang pakikipag-ugnayan nila sa kumpanya na sangkot sa insidente, maging sa Kuwaiti Government.
Sa ulat ng Kuwaiti Authorities, nagsimula ang sunog sa isang kusina ng anim na palapag na gusali at mabilis na kumalat sa apartment.