NAKASAILALIM ngayon sa House Arrest sa Timor Leste si dating Negros Oriental Rep. Arnolfo “Arnie” Teves Jr.
Ito ang kinumpirma ng Department of Justice, maging ng abogado ng pinatalsik na kongresista.
Ayon kay Justice Undersecretary Raul Vasquez, nalaman nila na naka-house arrest si Teves mula sa Timor Leste Prosecutor General.
Gayunman, nasa kustodiya man o muling naaresto o naka-house arrest, binigyang diin ni Vasquez na nasa ilalim ng kontrol ng pulisya ang dating mambabatas.
Sinabi naman ni Atty. Ferdinand Topacio na pinayagan ng korte na isailalim sa house arrest ang kanyang kliyente, makaraang lumabas sa isang hearing na hindi ganoon kataas ang flight risk ni Teves para makulong o manatili sa holding area ng Policia Nacional De Timor Leste.
Idinagdag ni Topacio na pinapayagan lamang si Teves na lumabas ng bahay para dumalo sa court hearings at kung mayroong kinakailangang biyahe, gaya ng medical-related visits, ay kailangan ng approval ng korte.
