INANUNSYO ng Philippine Economic Zone Authority (PEZA) na tatlong German Companies sa Automotive, Semiconductor, at Pharmaceutical Industries ang pagpa-planong palawakin ang kanilang operasyon sa Pilipinas.
Sinabi ng investment promotion agency na nalaman nila ang planong expansion matapos ang business-to-business meetings nang bumisita ang kanilang mga opisyal sa germany noong May 13 hanggang 17.
Hindi naman tinukoy ng PEZA ang pangalan ng mga kumpanya, subalit isa sa mga ito ay naghahanda na umano ng aplikasyon para sa registration.
Sa kasalukuyan, mayroong 37 locator companies sa ilalim ng PEZA sa German Equity, na may katumbas na 30 billion pesos na investment at 20,000 na trabaho.
