DALAWA katao ang nasawi habang apat ang nasugatan sa landslides sa Biri, Northern Samar, sa kasagsagan ng pananalasa ng Bagyong Enteng.
Ayon sa PNP Regional Office, wala ng buhay nang matagpuan kahapon ng rescuers ang katawan ng dalawang indibidwal na unang napaulat na nawawala matapos ang landslide sa Barangay Sto. Nino noong linggo.
Positibong kinilala ng kanilang mga kaanak ang mga biktima na sina Federico Sabangan Sr., pitumpu’t anim na taong gulang at Federico Sabangan Jr., tatlumpu’t siyam na taong gulang.
Samantala, apat pang residente sa naturang barangay ang nagtamo rin ng injuries bunsod ng landslides.
