DALAWANG construction workers ang nasawi habang apat na iba pa ang nasugatan matapos makuryente sa Barangay Dapdap, sa bayan ng Uson, sa Masbate.
Batay sa police report, lulan ng boom truck ang mga biktima na nagta-trabaho sa isang road construction project nang sumalpok ang kanilang sinasakyan sa poste ng kuryente.
Dahil dito, nagkaroon ng contact ang truck sa live wire na pag-aari ng Masbate Electric Cooperative (MASELCO), na nagresulta sa pagkaka-kuryente ng mga trabahador.
Dead on the spot ang dalawa habang mabilis na naisugod sa ospital ang apat na iba pa upang malapatan ng lunas.
Inaalam pa ng mga otoridad kung sino ang may pananagutan sa naturang insidente.
