7 February 2025
Calbayog City
Local

2 lider ng NPA, sumuko sa Eastern Samar

DALAWANG matataas na lider ng New People’s Army (NPA) ang sumuko sa militar sa Barangay Nato, sa Taft, Eastern Samar.

Boluntaryong sumuko si Rolando Romanca, alyas “Arman,” Commander ng Apoy Platoon ng NPA na nag-o-operate sa Eastern Samar, noong Aug. 20.

Kasama ni Romanca ang isang medical staff ng rebeldeng grupo na kinilalang si Jovy Mendez.

Inamin ni Romanca sa mga sundalo na bumaba ng husto ang kanilang moral kasunod ng pagkamatay ng kanilang mga lider na sina Joel Guarino alyas “Duran,” at Martin Colima, alyas “Moki,” sa engkwentro ngayong taon.

Itinuro rin ng sumukong NPA Leader ang lokasyon ng imbakan ng armas ng grupo, na may dalawang M16 Rifles, labing isang magazines, 317 rounds ng 5.56 mm ammunition, hand grenades, mga subersibong dokumento, at iba pang personal na kagamitan.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).