Dalawang babae ang napaulat na nasawi makaraang lumubog ang sinasakyan nilang motor banca sa Laoang, Northern Samar.
Natagpuang lumulutang sa katubigan ang bangkay ng dalawang biktima na ang edad ay animnapu’t walo at limampu.
Kabilang ang dalawa sa walong pasahero ng lumubog na bangka na patungo umanong Batag Island.
Sa imbestigasyon na isinagawa ng Laoang police, nabatid na hindi pinayagan ng Philippine Coast Guard ang paglalayag bunsod ng masamang panahon at malalaking alon, dahilan kaya lumubog ang motor banca.
Nailigtas naman ang anim na pasahero at pawang nasa ligtas na kondisyon.
