PATAY ang isang disi syete anyos na Pilipina makaraang mabangga ng tren sa Greco-Pirelli Station, sa Milan, Italy.
Ayon sa Italian news outlet na Il Messaggero, binawian ng buhay ang teenager sa San Gerardo Hospital sa Monza kasunod ng insidente.
Tumatawid umano sa riles ang biktima lulan ng scooter kasama ang kanyang mga magulang nang mabangga siya ng tren.
Nagpaabot na ang Philippine Consulate General sa Milan ng pakikiramay sa naulilang pamilya ng Filipino teenager.
