ISANG sunog ang sumiklab sa Residential Area sa Road 2, Barangay Old Balara sa Quezon City.
Ayon sa Bureau of Fire Protection (BFP), wala namang nasawi sa insidente, bagaman isang residente ang nakaranas ng panic attack habang isa pa ang nagtamo ng paso sa katawan.
Sa pagtaya naman ng barangay, umabot sa sampung kabahayan ang naapektuhan ng sunog.
Nasa labinlimang pamilya o apatnapu’t dalawang indibidwal ang pansamantalang nanunuluyan sa Barangay Covered Court.
Patuloy na inaalam ng Arson Investigators ang sanhi ng sunog, pati na ang halaga ng mga natupok na ari-arian.
