APATNAPU’T anim na proyekto na nagkakahalaga ng 14.2-Billion Dollar Foreign Investments ang naisakatuparan na mula sa mga biyahe ni Pangulong Ferdinand Marcos Jr. sa iba’t ibang bansa sa nakalipas na labing anim na buwan, ayon sa Presidential Communications Office.
Batay sa datos mula sa Department of Trade and Industry (DTI), sinabi ng PCO na kabuuang 72.2-billion dollar investments na nasa iba’t ibang stages, na binubuo ng 148 projects ang naitala, as of December 2023.
Sa naturang mga inisyatiba, 46 projects na kinapapalooban ng 14.2 billion dollars na investments o 20 percent ng total pledges, ang na-actualize na o nag-o-operate na, o nakumpleto na ang proseso ng pagpapa-rehistro ng proyekto sa investment promotion agencies ng DTI.
Ang mga naturang investments ay sa larangan ng manufacturing, IT-BPM, renewable energy, infrastructure, transport and logistics, agriculture, at retail.
