PINARANGALAN ng 8th Infantry Division ng Philippine Army ang labing isang sundalo na sumabak sa operasyon kamakailan na nagresulta sa pagkakapaslang ng matataas na lider ng New People’s Army (NPA) sa Northern Samar.
Pinapurihan ni Major General Adonis Ariel Orio, Commander ng 8th Infantry Division, ang mga miyembro ng 19th Infantry Battalion sa matagumpay na operasyon na ikinasawi ng siyam na rebelde, kabilang ang dalawang lider, sa Las Navas.
Tatlong sundalo ang ginawaran ng silver cross medal at isang trooper na may military merit medal na bronze ang nanguna sa naturang operasyon.
