Nauwi sa kaguluhan ang televised debate sa mga magkakatunggaling kandidato sa pagka-alkalde sa Sao Paolo, Brazil.
Ito’y matapos hampasin ng upuan ng isang kandidato ang isa niyang kalaban sa gitna ng debate.
Sa anim na kandidato na sumalang sa debate, napikon si Jose Luiz Datena, isang TV presenter, nang hamunin siya ng influencer na si Pablo Marcal na ituloy ang banta nito noon na saktan siya kung tunay itong lalaki.
Sa galit ni Datena, binuhat nito ang upuan at hinampas sa balikat ni Marcal.
Pinaalis si Datena sa debate habang si Marcal ay ginamot bunsod ng nabugbog na tadyang.
