Niyanig ng magnitude 4.8 na lindol ang bayan ng Mamburao, sa Occidental Mindoro, dakong ala siyete kagabi.
Natunton ng PHIVOLCS ang epicenter ng lindol na tectonic in origin, 25 kilometers timog kanluran ng Mamburao, at may lalim na dalawampu’t isang kilometro.
Naramdaman ang intensity 4 sa Puerto Galera, Oriental Mindoro.
Naitala rin ang instrumental intensity 4 sa Mamburao; at Calapan City, Oriental Mindoro habang instrumental intensity 3 sa Puerto Galera; at Abra de Ilog, Occidental Mindoro.
Samantala, una nang inuga ng magnitude 4.7 na lindol ang kaparehong lugar, dakong alas kwatro ng hapon, kahapon.
