IPINAUUBAYA na ng Department of Justice sa Panel of Prosecutors ang susunod na hakbang makaraang ibasura ng korte sa Muntinlupa ang ikatlo at huling drug case laban kay dating senador Leila De Lima.
Ayon kay DOJ Spokesperson Mico Clavano, hihintayin nila ang magiging rekomendasyon ng mga prosecutor, bagaman mayroon nang double jeopardy.
Sa ilalim ng 1987 Constitution, protektado ang mga indibidwal laban sa double jeopardy, na ang ibig sabihin ay hindi maaring litisin ang isang tao sa kaparehong kaso nang dalawang beses.
Noong Lunes ay dinismis ng Muntinlupa City Regional Trial Court Branch 206 ang natitirang drug case ni De Lima, matapos katigan ang Demurrer to Evidence na inihain ng dating mambabatas.