UMABOT na sa tatlumpu’t apat ang bilang ng mga nasugatan dahil sa mga paputok sa Eastern Visayas, mas mataas kumpara noong nakaraang taon.
Ayon sa Department of Health (DOH) region 8, mula sa walo noong Dec. 31, 2024 ay biglang lumobo ang naitalang firecracker-related injuries sa unang limang araw ng 2025, at nalagpasan ang 31 cases na naitala noong nakaraang taon.
Ang mga biktima ay mula sa Guiuan, Dolores, at Llorente sa Eastern Samar; Calbayog City, San Jorge, at Sta. Margarita sa Samar; Abuyog, Barugo, Palompon, at Tanauan sa Leyte; Tacloban City; Catarman, Northern Samar; at Maasin City at Padre Burgos sa Southern Leyte.
Karamihan sa mga nasugatan ay lalaki matapos magsindi ng kwitis.
