Paggunita sa Undas, maayos at mapayapa sa pangkalahatan, ayon sa PNP

“GENERALLY Peaceful” ang naging paggunita ng mga Pilipino ng Undas, kasabay ng pagdagsa ng milyon-milyong Pilipino sa mga sementeryo para dalawin ang puntod ng kanilang mga yumaong mahal sa buhay at muling makasama ang kanilang mga kaanak sa iba’t ibang probinsya.

Sinabi ni PNP Spokesperson, Police Brig. Gen. Jean Fajardo, na mapayapa at maayos sa pangkalahatan ang paggunita ng undas ngayong taon sa buong bansa, makaraang walang malalaking untoward incidents na naitala sa nakalipas na long weekend.