Tinanggal na ng Mindanao-based singer at “Queen of Bangsamoro Pop” na si Shaira Moro ang kanyang viral song na “Selos” sa lahat ng streaming platforms bunsod ng copyright issue.
Tila hinango kasi ang melody ng “Selos” sa kanta ng Australian Artist na si Lenka na “Trouble is a Friend” noong 2008.
Sinabi ni Lenka na nakarating sa kanya ang existence ng “Selos” kaya naman gumawa sila ng aksyon tungkol dito, hanggang sa alisin nga ang kanta sa platforms, gaya ng Spotify.
Ayon naman sa agency ni Shaira na AHS Productions, boluntaryo ang kanilang pag-takedown, at inaayos na nila ang legalidad ng publication ng kanta.
