ITINALAGA ni Pangulong Ferdinand Marcos Jr. ang Veteran Print Journalist na si Dave Gomez bilang bagong kalihim ng Presidential Communications Office (PCO).
Kinumpirma ni Palace Press Officer Undersecretary, Atty. Claire Castro ang appointment ni Gomez, sa briefing, kahapon.
Si Gomez ang ikalimang kalihim ng PCO na itinalaga, simula nang mag-umpisa ang Marcos Administration.
Kabilang sa mga humawak sa naturang posisyon ay sina Trixie Angeles, Cheloy Garafil, Cesar Chavez, at Jay Ruiz.
Samantala, inilipat naman si Ruiz bilang miyembro ng Board of Directors ng Manila Economic and Cultural Office sa Taiwan.
