PINAGHAHANAP ng mga awtoridad ang dalawang suspek sa pananambang at pagpatay sa university professor, sa Cotabato City.
Kinilala ang biktima na si Engr. Israel Angas, propesor sa Notre Dame University-College of Engineering and Computer Studies, at residente ng barangay Rosary Heights 3.
Sa imbestigasyon ng pulisya, pauwi na si Angas lulan ng minamanehong kulay puting SUV nang pagbabarilin ng dalawang lalaking magka-angkas sa motorsiklo.
Labindalawang basyo ng bala ng kalibre kwarenta’y singko ang narekober sa crime scene.
Patuloy ang imbestigasyon ng mga awtoridad sa motibo sa pamamaslang.
