ISINILANG na ng transman na si Jesi Corcuera, alum ng “Starstruck” at “Pinoy Big Brother,” ang kanyang panganay na anak na isang baby girl.
Kinumpirma ni Jesi ang kanyang panganganak sa pamamagitan ng kanyang Instagram stories, at ipinasilip ang litrato ng kanyang bagong silang na sanggol.
Inanunsyo ni Jesi ang kanyang pagbubuntis noong Oktubre, kasabay ng pagsasabing pangarap niya na magkaroon ng sariling anak simula pa noong 2018.
Sinabi pa ng Starstuck at PBB Alum, na itinuring niyang “sign” para ipursige ang pangarap, ang pagdating sa kanyang buhay ng partner na si Cams at mga anak nito.
