TRABAHO Partylist sinaluduhan ang LaguNanay solo parents

Sumaludo si TRABAHO Partylist nominee Ninai Chavez sa mga solo parents sa ginanap na pagdiriwang ng ika-7 anibersaryo ng Araw ni LaguNanay noong Marso 10, 2025 sa San Pedro, Laguna.

“Hangang-hanga po ako at napakalaki po ng aking respeto sa mga solo parents natin dahil ang trabaho ng dalawa [magulang] ay ginagampanan ng isa [solo parent] para lang makapag provide sa kanilang mga anak,” pagsaludo ni Chavez.

Pinuri ng TRABAHO ang LaguNanay, isang programang sinimulan ni Congresswoman Ann Matibag, dahil isa itong napakagandang halimbawa upang maipakita ang kakayahan at kahalagahan ng mga kababaihan lalo na ngayong National Women’s Month.

“Bukod po sa sapat na sahod at karagdang benepisyo, sisiguraduhin po ng TRABAHO Partylist, bilang #106 sa balota, na may patas na oportunidad ang mga kababaihan, lalo na ang mga SOLO PARENTS at PWDs [persons with disability], sa kanilang mga trabaho, ” pagpapaliwanag ni Chavez.