Tone-toneladang basura ang nakolekta mula sa iba’t ibang bahagi ng Metro Manila matapos ang pagdiriwang ng pagsalubong sa bagong taon.
Apat na truck ng basura ang nakolekta sa isang bahagi ng Taft Avenue sa Libertad, Pasay City ilang oras matapos ang midnight countdown.
Ala siyete na ng umaga kahapon nang muling buksan ang kalsada matapos linisin mula sa mga basurang likha ng mga paputok.
Kaparehong sitwasyon din ang na-obserbahan sa kahabaan ng Recto Avenue sa Maynila at Rizal Avenue sa Caloocan City.
Sa Divisoria naman, gabundok na basura na binubuo ng mga gulay at prutas ang tumambad sa publiko, kaya agad nagsagawa ang Manila City Hall Department of Public Services ng cleaning sanitation services.
