Tom Rodriguez, nag-post ng mga litrato ng kanyang pamilya sa unang pagkakataon

IBINAHAGI ni Tom Rodriguez ang ilang litrato kasama ang kanyang pamilya sa social media sa unang pagkakataon, subalit hindi niya ipinakita ang mga mukha ng kanyang partner at kanilang anak.

Isa sa mga litrato ay karga ng aktor ang kanyang anak na lalaki sa isang kamay habang hinahalikan sa ulo ang kanyang partner, at pare-pareho silang nakatalikod sa camera.