INANUNSYO ni Michelle Cobb ang kanyang pagreretiro sa volleyball matapos ang ilang taong mahusay na paglalaro sa UAAP at Premier Volleyball League.
Sinabi ng bente sais anyos na setter na iiwan na niya ang paglalaro para buksan ang panibagong chapter ng kanyang buhay.
Aniya, magreretiro siya nang labis ang pasasalamat sa kanyang puso at ipinagmamalaki ang lahat ng kanyang nakamit sa paglalaro ng volleyball.
Si Cobb ay parehong nakilala sa amateur at professional scene, kung saan tinulungan niya ang De La Salle University na masungkit ang dalawang UAAP Titles noong Seasons 79 at 80 para makumpleto ang Three-Peat Feat.
Lumipat ito sa mas malaking stage, at napunta sa F2 Logistics bago tumawid sa Akari na kanyang PVL debut noong 2022.
