TINAMBAKAN ng Oklahoma City Thunder ang Denver Nuggets sa score na 125-93, sa Game 7 ng kanilang Western Conference Second-Round Series, sa pangunguna ni Shai Gilgeous-Alexander na gumawa ng 35 points.
Dahil dito, umabante ang Thunder sa Western Conference Finals sa unang pagkakataon simula noong 2016.
Malaking bahagi ng tagumpay ng Thunder ang depensa ni Alex Caruso, na nagpahirap kay Nuggets Star Nikola Jokic para makapuntos.
Bubuksan ng Oklahoma City ang Conference Finals laban sa Minnesota Timberwolves sa kanilang home court bukas (oras sa Pilipinas).
