NAKAISA na ring panalo sa wakas ang Terrafirma sa 2024 PBA Governor’s Cup.
Mas impresibo ang kanilang panalo dahil pinadapa nila ang nangungunang koponan na TNT, sa score na 84-72, sa Ninoy Aquino Stadium, kagabi.
Ito rin ang kauna-unahang panalo ng DYIP laban sa Tropang GIGA simula noong 2016.
Nakapagtala si Antonio Hester ng Terrafirma ng team-high na 22 points at 10 rebounds habang nag-ambag sina Stanley Pringle ng 18 points at ian sangalang ng 10 points.
Samantala, pinangunahan naman ni Rondae Hollis-Jefferson ang TNT sa kanyang 25 points, 11 rebounds, at 9 steals habang nakapagtala si RR Pogoy ng 23 markers.
