INAPRUBAHAN ng Timor-Leste ang hirit ng Pilipinas na i-extradite si dating Negros Oriental Rep. Arnolfo “Arnie” Teves Jr.
Ayon sa Department of Justice, ang magandang balita ay ipinarating sa kanila ng Attorney General ng Timor-Leste.
Sa statement, inihayag ng DOJ na aabangan nila ang pagbabalik sa bansa ni Teves para harapin na rin nito sa wakas, ang mga kasong isinampa laban sa kanya.
Samantala, inihayag naman ng abogado ni Teves na si Atty. Ferdinand Topacio, na maari pang i-apela ng kanyang kliyente ang desisyon ng Timor Leste, at mayroon pa silang option na political asylum.
Ang expelled congressman at ilan pang personalidad ay nahaharap sa mga kasong murder kaugnay ng pagpatay kay Negros Oriental Gov. Roel Degamo noong 2023.