NASA tatlong libong trabaho ang bubuksan sa Hungary para sa mga Pilipinong naghahanap ng oportunidad, sa isasagawang Philippines-Hungary friendship week job fair, bukas.
Gaganapin ito sa level 3 (EDSA wing) ng Robinson’s Galleria sa Mandaluyong City, simula alas diyes ng umaga hanggang alas kwatro ng hapon.
Ang mga inaasahang lalahok sa event ay accredited recruitment agencies na mag-aalok ng job vacancies para sa Hungary lamang.
Ang job fair ay bahagi ng enhanced international cooperation sa pagitan ng dalawang bansa.
