NAGDEKLARA ang Tacloban City Council ng State of Emergency bunsod ng limitadong access sa San Juanico Bridge, na nag-uugnay sa mga isla ng Samar at Leyte sa Eastern Visayas.
Ayon sa Information Office sa lungsod, layunin ng deklarasyon na agad magamit ang resources habang tinitiyak ang kaligtasan ng publiko.
Nakasaad sa statement ng City Information Office na dahil sa restricted access sa San Juanico Bridge, nahaharap ang main gateway palabas at papasok ng Tacloban, sa seryosong problema na may kaugnayan sa economic flow, emergency response, at supply chain delays.
Dahil din sa deklarasyon ay mapahihintulutan ang lokal na pamahalaan na umaksyon ng mabilis, maglaan ng emergency funds, at makipag-ugnayan sa national agencies para sa karagdagang suporta.
