INILATAG ng grupo ng mga guro ang nais nilang maging kwalipikasyon sa pagpili ng magiging kapalit ni Vice President Sara Duterte bilang kalihim ng Kagawaran ng Edukasyon.
Sinabi ng Teachers’ Dignity Coalition (TDC) na ang Education Secretary ay hindi dapat politiko, kundi isang educator na mas nauunawaan ang kalagayan ng mga guro sa mga pampublikong paaralan.
Binigyang diin ni TDC National Chairman Bejo Basas na ang susunod na pinuno ng DepEd ay dapat “established educator” at career individual na nanggaling sa kanilang hanay, at batid ang kanilang mga sentimyento at mga pinagdadaanan.
Idinagdag ni Basas na bagaman inaasahan na ang pagbibitiw ni Duterte ay ikinagulat pa rin nila ito dahil mahigit isang buwan na lamang ay magbubukas na muli ang mga klase sa July 29.
Mas mainam aniya kung nag-resign si Duterte, ilang linggo pagkatapos ng school opening.
