Pormal ng inilunsad ng Metropolitan Manila Development Authority (MMDA) ang Special Operations Group nito na tututok sa pagbabantay sa mga lumalabag sa EDSA Busway policy.
Ang SOG ay nasa ilalim ng pamumuno ni MMDA Assistant General Manager for Operations Asec. David Angelo Vargas at ng deputy officer-in-charge nito na si Gabriel Go.
Ang mga tauhan ng SOG ay magsasagawa ng mas maigting na kampanya laban sa mga pasaway na motorista na patuloy na gumagamit ng EDSA Busway.
Ayon kay Vargas, armado ng body-worn cameras ang mga tauhan ng SOG na kunektado sa Communications and Command Center ng MMDA.
Sinabi din ni Vargas na epektibo ang ipinatupad na mas mataas na penalty para sa mga lumalabag sa EDSA Busway policy dahil bumaba ang bilang ng mga nahuhuling motorista.
