HAWAK na ni Pangulong Ferdinand Marcos Jr. ang shorlist ng mga pangalan na maaring pumalit kay Police General Rommel Marbil bilang hepe ng Philippine National Police.
Ito ang kinumpirma ni Executive Secretary Lucas Bersamin, kasabay ng pagsasabing ang mga ganitong bagay ay malapit sa puso ng pangulo ang mga pagpipilian.
Si Marbil na ang termino ay na-extend ng apat na buwan dahil sa Appointment Ban bunsod ng eleksyon, ay inaasahang magreretiro sa June 7.
Kabilang sa mga napaulat na ikinu-konsiderang susunod na PNP chief at sina Police Lt. Gen. Jose Melencio Nartatez Jr., PNP Deputy Chief for Administration; Police Lt. Gen. Robert Rodriguez, PNP Deputy Chief for Operations; Police Lt. Gen. Edgar Allan Okubo, PNP Chief of the Directorial Staff.
Gayundin sina Police Maj. Gen. Anthony Aberin, National Capital Region Police Office Director, at Police Maj. Gen. Nicolas Torre III, Criminal Investigation and Detection Group Director.
