PATAY ang isang lolang masahista matapos umanong sakalin ng lalaking may tatlong naunang Homicide Charges sa Quezon City.
Nagtungo ang animnapu’t limang taong gulang na biktima sa isang residential compound, hatinggabi ng May 13, matapos kunin ng suspek ang serbisyo nito para magmasahe.
Gayunman, makalipas ang ilang sandali ay nakita sa CCTV footage ang suspek na nasa labas ng compound habang nagtutulak ng kariton na may nakalagay na garbage bags.
Nang bumalik ang lalaki sa compound ay wala nang laman ang kariton.
Natuklasan naman ng mga basurero ang katawan ng biktima sa loob ng isang trash bag nang sumunod na araw.
Ayon sa pulisya, nagkaroon ng pagtatalo ang suspek at biktima makaraang hindi umano makunteto ang lalaki sa ginawang pagmamasahe ng lola.
