PINATAY sa saksak ang Southeast Asian Gold Medalist na si Mervin Guarte, sa Calapan City sa Oriental Mindoro.
Ayon sa Oriental Mindoro Provincial Police Office, natutulog ang trenta’y dos anyos na atleta sa bahay ng isang barangay kagawad nang pumasok ang salarin at saksakin ito sa dibdib, kahapon ng pasado alas kwatro ng madaling araw.
Nakatayo pa umano si Guarte at nakahingi ng saklolo, at naisugod pa sa ospital subalit binawian din ito ng buhay.
Si Guarte ay miyembro ng Philippine Air Force at itinalaga sa Lipa, Batangas.
Noong nakaraang taon ay nanalo ng gintong medalya si Guarte sa 32nd SEA Games sa Cambodia, at tumulong sa four-man team na masungkit ang titulo sa men’s team relay sa obstacle course racing.
