WALANG nakikitang shortage sa supply ng karneng baboy si Agriculture Secretary Francisco Tiu Laurel sa mga susunod na buwan, sa kabila ng paglaganap ng African Swine Fever sa ilang bahagi ng bansa.
Ipinaliwanag ni Tiu Laurel na ang ASF-Related Lockdowns ay farm-based at hindi naman buong munisipalidad o probinsya.
Nilinaw din ng kalihim na hindi magiging mahigpit ang ang d-a sa lockdown, hindi gaya nang lumaganap ang ASF sa ilang probinsya noong 2019.
Ayon kay Tiu Laurel, sa ibang bansa ay mayroong processing plant para sa infected animals para lutuin at ilagay sa lata dahil safe naman kainin.
Idinagdag ng D-A Chief na hindi maaapektuhan ang supply ng karneng baboy dahil sa ipinatutupad na hog repopulation program ng ahensya at nagpapatuloy din aniya ang importasyon.
