TUNGOD san pagkusog ngan pagbag-o san direksiyon san bagyo nga si Aghon, iguin aghat ni Samar Governor Sharee Ann Tan an mga City ngan Municipal Disaster Risk Reduction and Management Offices (DRRMO), nga pag-andaman an impact san kalamidad.
Iguin mando liwat ni Tan sa tanan nga DRRMOs nga maguin alerto o kun kinahanglan, magpatuman san pre-emptive ngan forced evacuation sa mga mulopyo sa mga Barangay nga may kadelikaduhan san pagbaha ngan landslide sa sulod san 24 oras tungod kay guin babana-bana nga tatamaan an Samar san bagyo nga si Aghon.
Sa forecast san PAGASA kanina nga alas 5:00 san aga, nakita si Aghon nga guin rurumbo an kadagatan san Catbalogan City dara an hangin nga 55 kph harani sa butnga ngan may pagsubasko nga maabot sa 90 kph – ngan nagpapadayon sa iya direksiyon nga Northwestward sa kakusgon nga 30 kph. (With reports from Rommel Rotor)
Source: PAGASA Visayas PRSD
