KABILANG ang mga Filipina Actress na sina Jane De Leon at Rhian Ramos sa mga nominado sa 2024 Ima Wa Ima Asian Film Festival Entertainment Awards sa Japan.
Kamakailan ay isinapubliko ng award giving body ang listahan ng nominees sa kanilang facebook page.
Si Jane ay na-nominate para sa Best Actress sa ilalim ng suspense-thriller-horror category sa kanyang pagganap sa “Shake, Rattle, & Roll Extreme.”
Si Rhian naman ay nominado para sa Best Performance in a Featured Role, sa kanyang ginampanang papel sa historical drama na “Pulang Araw.”
Bukod kay Rhian, na-nominate din ang dalawa pang pinay actresses na sina Ynez Veneracion para sa “Creepy Shorts” at Ritz Azul para sa “Kontradiksyon.”
Samantala, kakatawanin naman nina Alfred Vargas at Will Devaughn ang Pilipinas sa Best Actor Drama Full-Length Category, para sa pelikulang “Pieta” at “Coronaphobia.”
