PORMAL nang naselyuhan ng Gilas Pilipinas ang kanilang spot sa 2025 FIBA Asia Cup makaraang talunin ng New Zealand ang Chinese Taipei sa score na 81-64, sa kanilang qualifiers match, kahapon.
Dahil sa pagkapanalo ng tall blacks, ang pilipinas na mayroong spotless 4-0 card sa Group B, sigurado na ang slot ng pambansang koponan para sa kompetisyon na gaganapin sa Jeddah, Saudi Arabia, sa susunod na taon.
Kinailangan pang hintayin ng national team ang resulta ng New Zealand – Chinese Taipei Game, kahit na-secure na ng pinoy cagers ang apat na sunod na panalo.
Sa kabila naman ng outright qualification, mapapanood pa rin ang Gilas Pilipinas sa third and final window sa Pebrero.
