INAASAHAN ng COMELEC na mailalabas ang resulta ng fact-finding investigation laban kay Bamban, Tarlac Mayor Alice Guo sa susunod na linggo.
Sinabi ni COMELEC Chairman George Garcia na binigyan lamang ang binuong fact-finding committee ng kanilang law department ng dalawang linggo para tapusin ang kanilang imbestigasyon.
Aniya, posibleng pagpasok ng susunod na linggo ay mailalabas na ang fingerprint analysis subalit mas nais nila na kumpletong maisusumite sa kanila ang resulta.
Una nang ipinag-utos ng Poll Chief ang paglikha ng komite upang matukoy kung nakagawa si Guo ng material misinterpretation sa kanyang kandidatura noong 2022 elections, na basehan ng paghahain ng election offense.
Tiniyak naman ni Garcia na bibigyan ng pagkakataon ang suspendidong alkalde ng pagkakataon para tumugon sa findings at rekomendasyon ng komitte.
