HINIRANG si Rafael Nadal bilang Ambassador ng Saudi Tennis Federation, bilang bahagi ng hakbang ng kingdom na palakasin ang tennis at iba pang sports.
Kabilang sa bagong tungkulin ni Nadal ang pagpo-promote ng larong tennis, at paunlarin ang kanyang plano para sa Rafa Nadal Academy sa Saudi.
Ang 37-year old Spanish Tennis Star na mayroong 22 grand slam titles, ay hindi nakalahok sa Australian Open 2024, dahil nagpapagaling pa siya mula sa napunit na muscle malapit sa inoperahang balakang.
Umaasa naman si Nadal na makababalik siya sa grand slam action sa Melbourne Park makaraang ma-miss ang lahat ng laro noong nakaraang taon.
