PATAY ang isang punong barangay makaraang pagbabarilin sa garahe ng kanyang bahay sa San Nicolas, Ilocos Norte.
Kinilala ang biktima na si Francisco Bagay, apatnapu’t limang taong gulang.
Ayon sa mga awtoridad, nakaupo si Bagay sa garahe nang lapitan ng salarin na lulan ng motorsiklo saka sunod-sunod na pinaputukan ng baril.
Binawian ng buhay ang biktima habang nilalapatan ng lunas sa ospital habang nakatakas naman ang suspek.
Kabilang sa mga tinitingnang motibo ng mga awtoridad sa krimen ay pulitika at personal na alitan.
