LIMA katao ang patay makaraang tangayin ng baha at malakas na pag-ulan ang kanilang sasakyan sa Palawan.
Ayon sa Provincial Disaster Risk Reduction and Management Office Head Jerry Alili, ang mga biktima ay pasahero ng isang shuttlevan.
Patungong Puerto Princesa City mula Bataraza ang van nang tumirik ang makina nito habang tumatawid sa binahang kalsada.
Mula sa labindalawang pasahero, pito ang nakaligtas at ngayon ay nagpapagaling na sa ospital.
Sinabi ni Alili na tatlo sa mga biktima ang narekober noong Lunes habang dalawa kahapon ng umaga.
