SINUSPINDE muna ng Qatar ang kanilang hakbang bilang mediator sa negosasyon para sa tigil putukan at pagpapalaya ng mga bihag sa pagitan ng Israel at grupong Hamas.
Ayon sa Qatar, ipagpapatuloy nila ang pagiging tagapamagitan, kapag kapwa nagpakita na ng interest ang magkabilang panig para sa anumang kasunduan.
Ito’y matapos umanong sabihin ng isang Senior US Official na hindi na tatanggap ang Washington ng presensya ng Hamas Representatives sa Qatar, kasabay ng pag-akusa sa Palestinian group ng pagbasura sa mga bagong proposal upang matuldukan na ang digmaan sa Gaza.
Una nang napaulat na umatras ang Qatar mula sa mediation at sinabing hindi na nagagampanan ng Hamas ang layunin ng political office nito sa Doha.
